Bachpana

Aaj jo dekha use cubicle mein
Hosh udd gaye mere dil ke circle mein
Usse haseen naa hai, naa hogi koi
Poore jahan – e – ulfat mein

Jab najaro se najare mil gayee
Dil garden garden ho gaya
Fir pata chala, ki woh khunnas de rahi hai,
To pure dil ka postmortem ho gaya.

Uski ek jhalak paane ke liye
Najaane kya kya karta tha,
SDB 3 1st floor se roj chadke
SDB3 3rd floor tak jaata tha.

Naa jaane kyu, usko dekhke
Ek darr sa lagta hai,
Par uski ek jhalak paane ke liye,
Ek darr - bahut hi choti keemat hai

Fir badi himmat jod kar,
Use maine mail kiye
Badle mein unhone ne,
Bade pyaar se khoob gaali diye.

Zindagi mein pehli baar
Kisiki gaaliya achchi lagee,
Mujhe apne pyaar ke saamne
Saari dor kachchi lagee…

Kahi dino tak chala,
Yeh gaaliyo wala silsilaa
Fir main ek natije par pahucha
Aur maine kiya ek faislaa

Socha kabhi nahi chedunga
Us naajuk si paree ko,
Aaakhir koi pareshan kaise kare,
Apne dil – e – husn mallika ko.

Fir maine pehli kasam khaayee,
Ki kabhi use mail ya message nahi karunga
Aur dusri kasam khaayee,
Ki pehli kasam kabhi nahi todunga.

Thode mahine beet gaye,
Aur mujeh apne upar naaz tha,
Kasame to unbroken thi,
Lekin dil mein uskaa hi saaz tha..

Fir ek din, mujhe woh
Bus mein dikh gayee
Main fir soch main pad gayaa
Aur meri dhadkane tej ho gayee

100 baar apni kasmo ke bare mein socha
She was in beautiful Indian wear
Fir socha, bhaad mein gayee kasmein
Aur message kiya, HAPPY JOURNEY, TAKE CARE.

Ab naa rahee who kasmein,
Na raha koi darr
Mere life mein aa chuka tha
Uske naam ka wallpaper.

Uske naam se hi jaise
Mujhe ishk ho gaya,
Usee ke khayalo mein
Main buri tarah kho gaya.

Fir ek haseen roz
Uska birthday aaya;
Dot 12 baje, use maine
Pyaara sa message kiya…

Zindagi mein pehli baar
Usne mujhe reply kiya
Uska message dekh kar
Main foola nahi samaayaa.

Message mein likha tha,
THANKS A LOT, BUT WHO ARE YOU?
Har baar aisi naa insaafi,
Sirf mere saath hi kyu ???

Bade jigar ke saath,
Maineuse reply bhejaa
Bhagwaan se kaha,
Agar tu hai, to mujhe jawaab de jaa

Bhagwaan to hai,
Lekin jawaab naa aayaa,
Fir mere tute huye dil ke aur tukde hoke
Who churr churr ho gaya…

Us din ek baat mujhe samajh aayee
Pyaar paane ka nahi, Khone ka naam hota hai..
Woh hasee to main khush, who royee to woh mere dukh.

Be-imtehaan mohabbat
Karte they unse hum,
Socha chahe kuch bhi ho jaye,
Yeh pyaar kabhi na hoga kam.

Zindagi mein pehli baar
Mujhe koi itni achchi lagi thi
Ek due - shaadi ladki
Mujhe innocent si bachchi lagi thi [:-)] …………